ലാല്‍ ജോസ് ചിത്രങ്ങള്‍ കാണുവാന്‍ ഒരു മടി അനുഭവപ്പെടാറേയില്ല. ആദ്യ ചിത്രമായ മറവത്തൂര്‍ കനവ് തൊട്ട് ഒരു കയ്യടക്കമുള്ള സംവിധായകന്റെ രീതിയാണ് ലാല്‍ജോസ് പിന്തുടരുന്നത്. ഇതേവരെ സംവിധാനം ചെയ്ത 20 ചിത്രങ്ങളില്‍ അസഹ്യം എന്നുപറയാവുന്നത് മുല്ലയും സ്പാനിഷ്മസാലയും മാത്രമാണ്. ബാക്കിയുള്ള ചിത്രങ്ങള്‍ ഒക്കെയും മുഷിപ്പില്ലാതെ കണ്ടിരിക്കാവുന്നതാണ്. ലാല്‍ ജോസിന്റെ ഏറ്റവും മികച്ച ചിത്രമായ് തോന്നിയത് അച്ഛനുറങ്ങാത്ത വീടാണ്. സാമ്പത്തികമായ് ആ ചിത്രം നേട്ടമായില്ലെങ്കിലും പൊള്ളുന്നൊരനുഭവമായിരുന്നു ആ ചിത്രം. അതുപോലെ തന്നെ മികച്ച ഒരു ചിത്രമായിരുന്നിട്ടും രണ്ടാം ഭാവവും സാമ്പതികപരാജയം ഏറ്റുവാങ്ങി. ലാല്‍ജോസ് ചിത്രങ്ങളില്‍ ഏറ്റവും വലിയ വിജയങ്ങളായത് മീശമാധവനും ക്ലാസ്മേറ്റ്സും അയാളും ഞാനും തമ്മിലുമാണ്